Enda me salah sada karya si enggo ibahan muda-mudi kuta guna pejile kuta kekelengen ibas tanggal 2 September 2011 si enggo lewat. Selain si e, enggo ibahan pe gelar-gelar dalin kuta.
Gelar dalin si enggo ibahan emekap :
- Jalan Arih Ersada (si lebih itandai alu gelar Gg. GPDI)
- Jalan Mehamat (pekepar pasar ras Jalan Arih Ersada)
- Jalan Tarigan
- Jalan Sembiring
- Jalan Ginting
- Jalan Putri Hijau
- Jalan Letkol. Matang Sitepu
- Jalan Gereja
- Jalan Peranginangin
- Jalan Batahari
- Jalan Mesjid
Ersentabi kami man kerina anak kuta, erkiteken lit piga-piga gelar dalin si ibahan kami la alu arih ras anak kuta, emekap Jalan Arih Ersada, Jalan Mehamat, Jalan Batahari ras Jalan Mesjid.
Si enda ibahan kami labo guna ncidahken kinibeluhen kami entah pe erbahan ate-ate kami. Si enda situhuna gelah enggo lit lebe gelar dalin e, gelah adi memang la payo lit si ngatakensa entah pe pekenasa. Sebab adi lenga lit ije, siman pandangen pe la lit, janah aru ateta, bage-bage saja kari lalap.
Mbera-mbera si enggo idahiken muda-mudi kuta enda banci ialoken anak kuta alu meriah ukur aminna gia lenga bagi ukur. Bagenda denga ngenca beluh kami singuda-nguda anak perana kuta.
Janah mbera-mbera ibas lain paksa, banci siban terjilen asangken si enda.
Tidak ada komentar:
Posting Komentar