Bagi sinaka buluh = Si arah teruh idedeh si arah datas i angkat
Bagi si njujung batu, lalap mberat = Lalap lalit jorena
Bagi pertedeh ampuk nandangi bulan = Lalap la jumpa-jumpa tah pe hampir mustahil jumpa
Bagi mulahi biang kicat, dung sipulahi kita ikaratna = Ikataken man sekalak si la beluh ngataken bujur, enca sisampati ia labo katakenna bujur, tapi kita pe ibenekenna
Bagi gundur teruh papan = Keri-keri la litna gulen maka ia i gule.
Bagi ndurung wari enggo ben = Kai dat em i baba lanai sempat milihi
Bagi belo la ertangke, ikut bas kapiten, tading bas beligan = Ikataken man sekalak jelma si kehadirenna jadi pelengkap penderita saja, kune perlu maka idilo, tapi bas si entabeh e, lanai ia ikut.
Lain-lain babah nina babi = kerna nanam entabeh la seri man tiap jelma. Kai akap sesekalak entabeh, jelma si deban la ka mesegu.
Menang bas babah, talu bas perukuren = Ikuanken ku kalak si la lit pemetehna, tapi ngerana la nggit talu, ia tempa si beluhna. Gelah menang bas cakap, rugi pe ia nggit.
Tarum ngayak-ngayak page erdangen itadingken page buron, piahna sada pe lanai rani.
Keri-keri arang besi la tembe = Sibar ngasup enggo ikeriken, tapi sura-sura la seh. Umpama guna nekolahken anak, orang tua enggo tungtung kapur, lembu idayaken, sabah iputangken, tapi erkiteken anak la rate tutus, sekolahna la rasil.
Bagi si ngasuhi anak arimo, la lit nakanna, kita irigepna = Iandingken ku jelma si mesera manjangisa, janah adi la ibere, kita ikurukna entah duit ta i tangkona.
Bagi arimo natap tabe = Ningkalak, adi arimo ercurmin bas lau, megah akapna ngenehen rupana, seh lupa ndarami nakan. Ikuanken man jelma si labo entabeh babanna nggeluh, tapi la atena erdahin, perbahan jore akapna bana.
Bagi arimo tua-tua = Arimo tua-tua, janahna erdalan pe lit nge rusur sorana bagi sora kalak jungut-jungut. Ikataken man jelma si mejungut, enggo me ia sinik nuate, jungut-jungut denga kang.
Bagi aringgeneng nandangi tongkap = Sorana nandangi tongkap, erdengung-dengung, sung megang sung lahang. Iumpamaken kusora kalak si nurdam mejile.
Bagi aringgeneng beru-beru, la neren = Iandingken ku jelma si la perpang, sitik pe kalak la mehangke. Biasa ikataken man anak perana, si la ibiari singuda-nguda sabap ngkuit pe la pang.
Labo terbuat ate tungir asa pungga = Antusenna, pemindon si kutera pe ibahan la terdemi, pemindon si lang-lang. Umpamana danak-danak ngandung, ipindona gelah itukur kuda.
Gerantang Acih = Ngataken jelma pergerantang, mehantu tempa, tapi situhuna ia percikcik.
Babahna bagi bulan erlajar = Ngataken tempas babah mejile.
Adi kidaram salu babah, ndigan pe la dat = Ikataken ku jelma si la mejingkat kidaram. “Ija kin, …. la kap lit ije”, nina rusur. Biberna ngenca kemuit, tanna la cigargar, janah matana la metenget pepayosa.
Petembal bagi persepah babi = Ngandingken perukuren la des, entah pe silawanen. Umpamana, orang tua merincuh maka anakna mengketi sekolah guru. Ate anak, kujapa pe labo dalih, gelah ula ku sekolah guru.
La ngidah ikur babi pe = Ikataken kempak kalak si tutus kal atena erdahin. Pagi-pagi lampas ku juma, ikur babi pe lenga teridah. Karaben pe kenca gelap maka ku rumah, ikur babi lanai ka teridah.
Bagi babi Lau Baleng = Bagi babi Lau Baleng tersena galang janah mbur. Ikateken kempak jelma si seh burna
Njula babi salu kedep = Ikuanken kempak jelma si la terjula. Bicara perbahan ate kalak nembeh pe maka ibere kalak, la mberat tanna ngalokenca.
Bagi Bindoran = Kuga rupa inganna, bage rupana.
Bagi Gambo-gambo = Galang lau, kitik lau, mekeruh lau, meciho lau, ia tetap arah datas.
Bagi Belut = Medalit bagi belut, gelem arah takalna, meldus arah ikurna. Gelem arah ikurna, meldus arah takalna.
Bagi Nipe = Tujunna pinter, tapi perdalanna meluk-eluk. Banci nagut, banci ngelengkar, banci nelen.
Bagi Sanggar uruk – uruk = Arah ja angin rembus, kempak e ialakenna.
Bagi Perkis = Rubat gajah ras perkis, bengket perkis ku bas cuping gajah. Karatna, mesui akap gajah. Antuk-antukkena takalna ku kayu, pecah takalna, mate.
Bagi Kuda Sijaba = Enggo pe megulang, idahna denga dukut meratah. Sempatkenna denga nggagat.
Bagi Perbubu Kitik = Enggo ia bengket ku bubu kalak, i bas pe ipasangna denga bubuna.
Bagi Pais ras Sulmih = Pais enggo kena siding ia rayun-ayun. Reh Sulmih, idahna pais rayun-ayun, “aku sekali nak”, nina. "Engko tareken kerahungmu", nina pais. Kepeken siding.
Bagi Kalak Jumpa Emas Galang = Sada ngelegi nakan, tamana racun, sada masang ranjau, dungna mate duana.
Bagi Simarcingkam = Katakenna ia reh I kuta perlainan nari, jumpa ia ras sekalak si enggo mate. “Adi jumpa atendu banci, buat ketang mbelno. Pagi banci kam kerina kupejumpa ras simate-matendu kerina”, nina. Suruhna kalak arah ketang e ku embang. Tektekna ketang, mate kerina, ia ngenca tading.
Bagi Katak = Megembur pe arah pudi labo dalih, gelah meciho arah lebe.
Bagi Berek = Ngembur-ngemburi ngenca ia beluh.
Bagi Sabut = Bonggal-bonggal, kuja baba gelombang, kuje ia. Inganna labo danci i tengah. Gunana jadi perapus, jadi penggebuk api.
Bagi Kiung = Ndarami teman ujina arah sorana. Jumpa ia ras ngguak, uga soram nak?, nina. Ersora kuak, dahina pune. La seri sorana, emaka ras ia. Kuja sada, kuje duana.
Bagi Mberakbak = Reh angin meter mis ia gejek ersora. Angin pe mis pelting.
Bagi Katak puru = Lompat katak, lompat ia. Silap nipe i tagutna. Adi la ia lompat, nipe pe labo pet.
Bagi Kacibang = Pemberu-mberu kalak, perbahan bauna, bage buena bulung meratah, cinepna ibas tamburakrak.
Bagi Wiskir = Rempanken dilah, pererena dilahna. Reh perkis, mis keri bendutna.
Bagi Ketadu = Mbiar kalak sebab galang matana. Rere matana la kemirep.
Bagi Mencibut = Beluh lompat, mawen-mawen, ndabuh seh ku taneh.
Bagi Menci ibo-ibo : Notoken kuta terulang, gelah ia kerina mangani buah sinisuan.
Bagi Odang = Maju sejengkal, mundur sedepa, surut kupudi.
Bagi Pincala = Gejek ia gelah dat nakan, ise pinangko kirik bibi nina, ia nge.
Bagi Kurung = Dua pinusuna, lit serapna lubang lompat.
Bagi Raja Ketadu = Perbahan belinna kerajaanna, ngkira rayatna seh rere matana
Bagi Nipe Lau = Gerantang nipe lau, ayak kalak mis kiam, ras katak ngenca menang.
Bagi Siri-siri = Kerahina atena kolam, asa mate labo lit ertina, takalna ergening-gening.
Bagi Surlala = Unduna batang tualang, takalna munduk-unduk, atekna tualang mugur.
Bagi Sikuring = Tempa merawa kal erburu, seh kerangen, jumpa ia kera, ras ia sikutun.
Bagi Kalimantek = Seh kal rawana, lenga dat dareh, lenga atena malem. Tektek kalak retap.
Bagi Menci = Sitama giring-giring i kerahung kucing nina, kerina setuju. Ise namasa ningen, sada pe lanai lit si pang.
Bagi lau ras beras = adi nanggerken nakan uga pe perlu lau, iandingken pe ku sekalak jelma si la terpesirang.
Bagi bening bas ndiru = adi kalak miari beras biasana si arah lebena kel eme bening, iandingken pe ku sekalak jelma si iangkat-angkat, ipuji-puji tempa, tapi ia me si ibeneken.
Bagi dukut tepi dalan = dukut tepi dalan biasana kenaina nahe kalak erdalan, iandingken pe ku sekalak jelma situhu enterem nungkunisa, tapi rate tutus sada pe lang.
Bagi kimang ni apusi = kimang eme sada buah si ermbulu, janah mbuluna mesunah naktak, iandingken pe man sekalak jelma si enggo erkeri-kerin, lanai lit sinasasana ertana.
