Ibas jabu pe, lit ka nge aturen-aturen si arus i dalinken sekalak singuda-nguda. Sanga ia ibas jabu, ia arus kundul arah duru deher dapur, gelah mesukah ku dapur erdakan, janah pe gelah ula dongkel adi ku rumah ate bapa bage pe turangna.
Sekalak singuda-nguda la ibere i rumah dua-dua ras bapa entah pe turangna. Adi si e terjadi alu la sengaja, sekalak arus meter ndarat nadingken rumah petempa-tempa lit dahinna sideban. Ibas berngi wari pe, sekalak singuda-nguda la banci medem sada tarum ras orangtuana, ia arus medem i rumah sekalak diberu si enggo mbalu i rumah adat. Sanga ia i rumah diberu si enggo mbalu e, ia arus nampati dahinna, erdakan, ngelegi lau, kiranting, bage pe nuci. Janah pe, diberu si enggo mbalu e arus njaga singuda-nguda e, janah ngajari ia gelah ula lepak pengelakona. Terang kenca wari, singuda-nguda e arus mulihi ndahiken dahin orang tuana.
Jadi, jelas me ije uga arusna perbahanen sekalak singuda-nguda kalak Karo ibas jabu. Sabab adi kune kenca lit kejadin si la mehuli nandangi singuda-nguda e, kerina keluarga nge si mela.
Tidak ada komentar:
Posting Komentar